پھولوں میں تازگی ہے بہاروں میں مستیاں

پھولوں میں تازگی ہے بہاروں میں مستیاں

نعت رسول پڑھتی ہیں طیبہ کی تتلیاں

ہم عاصیوں سے کیا ہو بیاں عظمت رسول

پوچھے کوئی خدا سے نبی کی بلندیاں

صابر تھے اس قدر کہ نہیں صبر کی مثال

ان کو بھی دی دعائیں جنہوں نے دی گالیاں

رحمت کے پالنے میں تھے سرکار جلوہ گر

حوریں سنا رہی تھیں ہمہ وقت لوریاں

لب پر ہو اس گھڑی مرے کلمہ حضور کا

بندھ جائیں جس گھڑی مری سانسوں میں ہچکیاں

رکھ کر میں سر پہ کرتا طواف جہاں شمیمؔ

مل جاتیں مصطفیٰ کے جو پاؤں کی جوتیاں