phulon mein tazgi hai bahaaron mein mastiyan

phūloñ meñ tāzgī hai bahāroñ meñ mastiyāñ

nā't-e-rasūl paḌhtī haiñ taiba kī titliyāñ

ham 'āsiyoñ se kyā ho bayāñ 'azmat-e-rasūl

pūchhe koī ḳhudā se nabī kī bulandiyāñ

sābir the is qadar ki nahīñ sabr kī misāl

un ko bhī dī du'ā.eñ jinhoñ ne dī gāliyāñ

rahmat ke pālne meñ the sarkār jalva-gar

hūreñ sunā rahī thiiñ hama-vaqt loriyāñ

lab par ho us ghaḌī mire kalima huzūr kā

bañdh jaa.eñ jis ghaḌī mirī sāñsoñ meñ hichkiyāñ

rakh kar maiñ sar pe kartā tavāf-e-jahāñ 'shamīm'

mil jātīñ mustafā ke jo paañv kī jūtiyāñ

phulon mein tazgi hai bahaaron mein mastiyan

na't-e-rasul paDhti hain taiba ki titliyan

hum 'asiyon se kya ho bayan 'azmat-e-rasul

puchhe koi KHuda se nabi ki bulandiyan

sabir the is qadar ki nahin sabr ki misal

un ko bhi di du'aen jinhon ne di galiyan

rahmat ke palne mein the sarkar jalwa-gar

huren suna rahi thin hama-waqt loriyan

lab par ho us ghaDi mere kalima huzur ka

bandh jaen jis ghaDi meri sanson mein hichkiyan

rakh kar main sar pe karta tawaf-e-jahan 'shamim'

mil jatin mustafa ke jo panw ki jutiyan