qadam zamin pe falak par qiyam hota hai

qadam zamīñ pe falak par qiyām hotā hai

ki na.at-ḳhvānoñ kā kuchh aisā naam hotā hai

farishte yūñhī nahīñ mahfiloñ meñ aate haiñ

darūd paḌhne se ye ehtimām hotā hai

kuchh aisā lagtā hai jannat meñ ghuum phir rahe haiñ

madīna-pāk meñ vo intizām hotā hai

yahāñ pe ashk-e-nadāmat charāġh bante haiñ

yahāñ sukūt sipurd-e-kalām hotā hai

ye kā.enāt tavāzun-shi.ār yūñhī nahīñ

har e'tidāl pe aaqā kā naam hotā hai

kisī kisī ko hai miltā sirāt-e-hubb-e-rasūl

ḳhudā-e-pāk kā apnā nizām hotā hai

qadam zamin pe falak par qiyam hota hai

ki nat-KHwanon ka kuchh aisa nam hota hai

farishte yunhi nahin mahfilon mein aate hain

darud paDhne se ye ehtimam hota hai

kuchh aisa lagta hai jannat mein ghum phir rahe hain

madina-pak mein wo intizam hota hai

yahan pe ashk-e-nadamat charagh bante hain

yahan sukut sipurd-e-kalam hota hai

ye kaenat tawazun-shiar yunhi nahin

har e'tidal pe aaqa ka nam hota hai

kisi kisi ko hai milta siraat-e-hubb-e-rasul

KHuda-e-pak ka apna nizam hota hai