sadqa hasnain ka ab ata kijiye

sadqa hasnain kā ab 'atā kījiye

ye karam bhī rasūl-e-ḳhudā kījiye

maiñ bhī rauze pe hāzir kabhī ho sakūñ

dil kā puurā mire mudda'ā kījiye

dījiye bādshāhat jo māñgeñ unheñ

aur madīne kā mujh ko gadā kījiye

jalva-e-haq se dil ho munavvar mirā

rāz-e-haq se mujhe āshnā kījiye

hashr meñ tishna-kāmī baḌhe jab mirī

jām-e-kausar mujhe bhī 'atā kījiye

aap sā rahnumā rab ne ham ko diyā

shukr-e-rab ahl-e-īmāñ adā kījiye

mahfil-e-nā't kī hai mubārak ghaḌī

bā-adab zikr-e-ḳhair-ul-varā kījiye

'aks' ko māñgne kā salīqa nahīñ

dar saḳhāvat kā is pe bhī vā kījiye

sadqa hasnain ka ab 'ata kijiye

ye karam bhi rasul-e-KHuda kijiye

main bhi rauze pe hazir kabhi ho sakun

dil ka pura mere mudda'a kijiye

dijiye baadshahat jo mangen unhen

aur madine ka mujh ko gada kijiye

jalwa-e-haq se dil ho munawwar mera

raaz-e-haq se mujhe aashna kijiye

hashr mein tishna-kaami baDhe jab meri

jam-e-kausar mujhe bhi 'ata kijiye

aap sa rahnuma rab ne hum ko diya

shukr-e-rab ahl-e-iman ada kijiye

mahfil-e-na't ki hai mubarak ghaDi

ba-adab zikr-e-KHair-ul-wara kijiye

'aks' ko mangne ka saliqa nahin

dar saKHawat ka is pe bhi wa kijiye