sar-e-maidan-e-mahshar jab meri fard-e-amal nikli

sar-e-maidān-e-mahshar jab mirī fard-e-amal niklī

to sab se pahle is meñ na.at-e-hazrat kī ġhazal niklī

tabī.at un ke dīvānoñ kī ab kuchh kuchh sañbhal niklī

havā-e-dasht-e-taiba gulshan-e-jannat meñ chal niklī

baḌā da.avā thā ḳhurshīd-e-qayāmat ko harārat kā

tire abr-e-karam ko dekh kar rangat badal niklī

lipaT kar rah ga.e mujrim tire dāmān-e-rahmat meñ

qayāmat meñ qayāmat kī havā jab tez chal niklī

munavvar kar diyā dāġh-e-jigar ne zarre zarre ko

mire jaate hī merī qabr meñ ik sham.a jal niklī

'munavvar' kaam aa.ī hashr meñ na.at-e-shah-e-vālā

bahut dilkash bahut raushan mirī fard-e-amal niklī

sar-e-maidan-e-mahshar jab meri fard-e-amal nikli

to sab se pahle is mein nat-e-hazrat ki ghazal nikli

tabiat un ke diwanon ki ab kuchh kuchh sanbhal nikli

hawa-e-dasht-e-taiba gulshan-e-jannat mein chal nikli

baDa dawa tha KHurshid-e-qayamat ko hararat ka

tere abr-e-karam ko dekh kar rangat badal nikli

lipaT kar rah gae mujrim tere daman-e-rahmat mein

qayamat mein qayamat ki hawa jab tez chal nikli

munawwar kar diya dagh-e-jigar ne zarre zarre ko

mere jate hi meri qabr mein ek shama jal nikli

'munawwar' kaam aai hashr mein nat-e-shah-e-wala

bahut dilkash bahut raushan meri fard-e-amal nikli