sarwar-e-‘ali-maqam jaan-e-do-‘alam ho tum

sarvar-e-‘ālī-maqām jān-e-do-‘ālam ho tum

nek-siyar nek-nām hādī-e-ā’zam ho tum

kaun hai aisā bashar jo nahīñ mamnūn-e-dar

lutf-kun-e-ḳhās-o-ām rahmat-e-ālam ho tum

maz.har-e-rabb-e-vadūd kyoñ na paḌheñ sab darūd

kyoñ na paḌheñ sab salām sab ke mukarram ho tum

zarra-o-ḳhurshīd kyā markaz-o-tamhīd kyā

jān-e-ḳhavās-o-‘avām lutf-e-mujassam ho tum

kyā ye shajar kyā hajar kyā ye malak kyā bashar

kaun nahīñ hai ġhulām shāh-e-do-‘ālam ho tum

tum pe zamāna nisār tum ho jahāñ kī bahār

tum se hai qaa.em nizām nāzish-e-ādam ho tum

sarwar-e-‘ali-maqam jaan-e-do-‘alam ho tum

nek-siyar nek-nam hadi-e-a’zam ho tum

kaun hai aisa bashar jo nahin mamnun-e-dar

lutf-kun-e-KHas-o-am rahmat-e-alam ho tum

mazhar-e-rabb-e-wadud kyon na paDhen sab darud

kyon na paDhen sab salam sab ke mukarram ho tum

zarra-o-KHurshid kya markaz-o-tamhid kya

jaan-e-KHawas-o-‘awam lutf-e-mujassam ho tum

kya ye shajar kya hajar kya ye malak kya bashar

kaun nahin hai ghulam shah-e-do-‘alam ho tum

tum pe zamana nisar tum ho jahan ki bahaar

tum se hai qaem nizam nazish-e-adam ho tum