suKHan ko rutba mila hai meri zaban ke liye

suḳhan ko rutba milā hai mirī zabāñ ke liye

zabāñ milī hai mujhe na.at ke bayāñ ke liye

zamīñ banā.ī ga.ī kis ke āstāñ ke liye

ki lā-makāñ bhī uThā sarv-qad makāñ ke liye

tire zamāne ke baa.is zamīñ kī raunaq hai

milā zamīn ko rutba tire zamāñ ke liye

kamāl apnā diyā tere badr-e-āriz ko

kalām apnā utārā tirī zabāñ ke liye

nabī hai naar tire dushmanoñ ke jalne ko

bahisht vaqf tire aish-e-jāvedāñ ke liye

thī ḳhush-nasībī-e-arsh-e-barīñ shab-e-me.arāj

ki apne sar pe qadam shāh-e-mursalāñ ke liye

na dī kabhī tire aariz ko mehr se tashbīh

rahā ye daaġh qayāmat tak āsmāñ ke liye

ajab nahīñ jo kahe tere farsh ko koī arsh

ki lā-makāñ kā sharaf hai tire makāñ ke liye

ḳhudā ke sāmne 'mohsin' paḌhūñgā vasf-e-nabī

saje haiñ jhaaḌ ye bātoñ ke lā-makāñ ke liye

suKHan ko rutba mila hai meri zaban ke liye

zaban mili hai mujhe nat ke bayan ke liye

zamin banai gai kis ke aastan ke liye

ki la-makan bhi uTha sarw-qad makan ke liye

tere zamane ke bais zamin ki raunaq hai

mila zamin ko rutba tere zaman ke liye

kamal apna diya tere badr-e-ariz ko

kalam apna utara teri zaban ke liye

nabi hai nar tere dushmanon ke jalne ko

bahisht waqf tere aish-e-jawedan ke liye

thi KHush-nasibi-e-arsh-e-barin shab-e-mearaj

ki apne sar pe qadam shah-e-mursalan ke liye

na di kabhi tere aariz ko mehr se tashbih

raha ye dagh qayamat tak aasman ke liye

ajab nahin jo kahe tere farsh ko koi arsh

ki la-makan ka sharaf hai tere makan ke liye

KHuda ke samne 'mohsin' paDhunga wasf-e-nabi

saje hain jhaD ye baaton ke la-makan ke liye