suniye ai sarkar hamare

suniye ai sarkār hamāre

hind meñ kyā kareñ ham bechāre

dard-o-alam ne gherā ham ko

kyā kareñ ham aafat ke maare

aap ke haiñ ham saare musalmāñ

bigḌe muqaddar kaun sañvāre

dekh rahe haiñ haal hamārā

farsh ke zarre charḳh ke taare

dekh na paa.e arz-e-muqaddas

apnī koshish ham kar haare

ab hai safīna biich bhañvar meñ

is ko lagā.e kaun kināre

suniye ai sarkar hamare

hind mein kya karen hum bechaare

dard-o-alam ne ghera hum ko

kya karen hum aafat ke mare

aap ke hain hum sare musalman

bigDe muqaddar kaun sanware

dekh rahe hain haal hamara

farsh ke zarre charKH ke tare

dekh na pae arz-e-muqaddas

apni koshish hum kar haare

ab hai safina bich bhanwar mein

is ko lagae kaun kinare