the wahan gamzan haq ke pyare

the vahāñ gāmzan haq ke pyāre

ik farishta jahāñ par na maare

vo jo ġhurbat meñ de deñ sahāre

ḳhud musāfir ko manzil pukāre

bhiik do aamna ke dulāre

ik bhikārī hai dāman pasāre

un ke aañsū hasīñ aur itne

jaise arsh-e-ilāhī ke taare

muskurāne meñ kausar kī maujeñ

aur tabassum meñ rahmat ke dhāre

sajda-rez un ke qadmoñ pe sāhil

un se tūfāñ kināre kināre

un kī kamlī ho yā un ke gesū

merī baḳhshish ke donoñ sahāre

aisī kamlī ki isyāñ ko Dhāñke

aisā gesū jo uqbā sañvāre

vo zabānī suneñ ġhair-mumkin

haañ agar koī dil se pukāre

ai 'nazīr' un kī rahmat ke qurbāñ

jī rahā huuñ unhīñ ke sahāre

the wahan gamzan haq ke pyare

ek farishta jahan par na mare

wo jo ghurbat mein de den sahaare

KHud musafir ko manzil pukare

bhik do aamna ke dulare

ek bhikari hai daman pasare

un ke aansu hasin aur itne

jaise arsh-e-ilahi ke tare

muskurane mein kausar ki maujen

aur tabassum mein rahmat ke dhaare

sajda-rez un ke qadmon pe sahil

un se tufan kinare kinare

un ki kamli ho ya un ke gesu

meri baKHshish ke donon sahaare

aisi kamli ki isyan ko Dhanke

aisa gesu jo uqba sanware

wo zabani sunen ghair-mumkin

han agar koi dil se pukare

ai 'nazir' un ki rahmat ke qurban

ji raha hun unhin ke sahaare