tum par main lakh jaan se qurban ya-rasul

tum par maiñ laakh jaan se qurbān yā-rasūl

bar aa.eñ mere dil ke bhī armān yā-rasūl

kyoñ dil se maiñ fidā na karūñ jaan yā-rasūl

rahte haiñ is meñ aap ke armān yā-rasūl

kushta huuñ rū-e-pāk kā niklūñ jo qabr se

jaarī mirī zabāñ pe ho qur.ān yā-rasūl

duniyā se aur kuchh nahīñ matlūb hai mujhe

le jā.ūñ apne saath meñ īmān yā-rasūl

is shauq meñ ki aap ke dāman se jā mile

maiñ chaak kar rahā huuñ garebān yā-rasūl

mushkil-kushā haiñ aap 'amīr' aap kā ġhulām

ab is kī mushkileñ bhī hoñ āsān yā-rasūl

tum par main lakh jaan se qurban ya-rasul

bar aaen mere dil ke bhi arman ya-rasul

kyon dil se main fida na karun jaan ya-rasul

rahte hain is mein aap ke arman ya-rasul

kushta hun ru-e-pak ka niklun jo qabr se

jari meri zaban pe ho quran ya-rasul

duniya se aur kuchh nahin matlub hai mujhe

le jaun apne sath mein iman ya-rasul

is shauq mein ki aap ke daman se ja mile

main chaak kar raha hun gareban ya-rasul

mushkil-kusha hain aap 'amir' aap ka ghulam

ab is ki mushkilen bhi hon aasan ya-rasul