zaban par hamd-e-rab aur naghma-e-salle-ala hoga

zabāñ par hamd-e-rab aur naġhma-e-sall-e-alā hogā

bahār-e-ḳhuld hogī hājiyoñ kā qāfila hogā

sukūn-e-qalb kā marham milegā saare haajī ko

madīne meñ har ik armān kā gulshan khilā hogā

vo manzar kis qadar hogā hasīñ jab chāh-e-zamzam par

divānoñ tishna-kāmoñ kā hasīñ mela lagā hogā

minā kī vaadī aur ‘arfāt ke maidān ka manzar

ḳhudā hī jaane kitnā pur-kashish aur ḳhushnumā hogā

chalo ai hājiyo makke se ab shahr-e-madīna ko

vahāñ par maujzan sarkār kā bahr-e-'atā hogā

dam-e-ruḳhsat kisī kī aañkh pur-nam hogī hasrat se

koī muḌ-muḌ ke rauza mustafā kā tak rahā hogā

shahanshāh-e-madīna kī sifārish aur baḳhshish se

gunahgāroñ ke haq meñ hashr ke din faisla hogā

dar-e-sarkār par jab hogī apnī hāzirī 'ashraf'

murādoñ ke gul-e-tāza se phir dāman bharā hogā

zaban par hamd-e-rab aur naghma-e-sall-e-ala hoga

bahaar-e-KHuld hogi hajiyon ka qafila hoga

sukun-e-qalb ka marham milega sare haji ko

madine mein har ek arman ka gulshan khila hoga

wo manzar kis qadar hoga hasin jab chah-e-zamzam par

diwanon tishna-kaamon ka hasin mela laga hoga

mina ki wadi aur ‘arfat ke maidan ka manzar

KHuda hi jaane kitna pur-kashish aur KHushnuma hoga

chalo ai hajiyo makke se ab shahr-e-madina ko

wahan par maujzan sarkar ka bahr-e-'ata hoga

dam-e-ruKHsat kisi ki aankh pur-nam hogi hasrat se

koi muD-muD ke rauza mustafa ka tak raha hoga

shahanshah-e-madina ki sifarish aur baKHshish se

gunahgaron ke haq mein hashr ke din faisla hoga

dar-e-sarkar par jab hogi apni haziri 'ashraf'

muradon ke gul-e-taza se phir daman bhara hoga