zabāñ par jūñhī aaya nām-e-mohamād
jhukā dil pa.e-ehtirām-e-mohammad
mire lab pe merī zabāñ par hai har-dam
darūd-e-mohammad salām-e-mohammad
mohammad ke jalvoñ ke dariyā bahe haiñ
nahīñ hai koī tishna-kām-e-mohammad
mirī ruuh ko haal kyūñkar na aa.e
liyā hai mire dil ne nām-e-mohamād
kalām-e-ḳhudā ḳhud hī is kā hai shāhid
kalām-e-ḳhudā hai kalām-e-mohammad
ye hasrat hai dil meñ ye armāñ hai dil meñ
koī le ke aa.e payām-e-mohammad
yahī merī 'bahzād' bas bandagī hai
liye jā.ūñ din-rāt nām-e-mohamād
zaban par junhi aaya nam-e-mohamad
jhuka dil pae-ehtiram-e-mohammad
mere lab pe meri zaban par hai har-dam
darud-e-mohammad salam-e-mohammad
mohammad ke jalwon ke dariya bahe hain
nahin hai koi tishna-kaam-e-mohammad
meri ruh ko haal kyunkar na aae
liya hai mere dil ne nam-e-mohamad
kalam-e-KHuda KHud hi is ka hai shahid
kalam-e-KHuda hai kalam-e-mohammad
ye hasrat hai dil mein ye arman hai dil mein
koi le ke aae payam-e-mohammad
yahi meri 'bahzad' bas bandagi hai
liye jaun din-raat nam-e-mohamad
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
