zamin ko naz hai us ja jahan hai naqsh-e-pa tera

zamīñ ko naaz hai us jā jahāñ hai naqsh-e-pā terā

judā hai shaan terī aur judā hai martaba terā

jahāñ miltī hai sairābī hamārī tishna-kāmī ko

jahāñ jaarī hai chashma faiz kā sub.h-o-masā terā

tū hī mahbūb-e-haq matlūb-e-haq marġhūb-e-haq bhī hai

ta.āruf pesh meñ kaise karūñ salle-alā terā

munavvar hai tirā naqsh-e-qadam arsh-e-muallā tak

abhī tak lams kā haamī hai vo ġhār-e-hirā terā

tirī tausīf hai marqūm sab aurāq-e-qur.āñ meñ

kalām-e-pāk meñ hai ḳhud sanā-ḳhvāñ kibriyā terā

ḳhudā ke saath terā naam letā hai sadā 'mahshar'

bahut bartar hai sab se martaba ba'ad-e-ḳhudā terā

zamin ko naz hai us ja jahan hai naqsh-e-pa tera

juda hai shan teri aur juda hai martaba tera

jahan milti hai sairabi hamari tishna-kaami ko

jahan jari hai chashma faiz ka subh-o-masa tera

tu hi mahbub-e-haq matlub-e-haq marghub-e-haq bhi hai

taaruf pesh mein kaise karun salle-ala tera

munawwar hai tera naqsh-e-qadam arsh-e-mualla tak

abhi tak lams ka hami hai wo ghaar-e-hira tera

teri tausif hai marqum sab auraq-e-quran mein

kalam-e-pak mein hai KHud sana-KHwan kibriya tera

KHuda ke sath tera nam leta hai sada 'mahshar'

bahut bartar hai sab se martaba ba'ad-e-KHuda tera