zeb-e-farsh-e-jahāñ rasūl-e-ḳhudā
zīnat-e-āsmāñ rasūl-e-ḳhudā
baḳhshvā.eñge ek din sab ko
hāmī-e-āsiyāñ rasūl-e-ḳhudā
bānī-e-lafz-e-kun hai zaat un kī
vaj.h-e-kaun-o-makāñ rasūl-e-ḳhudā
vāqif-e-rāz-e-ibtidā bhī haiñ
ḳhatm-e-paiġham-barāñ rasūl-e-ḳhudā
ḳhāliq-e-do-jahāñ bhī hai raazī
haiñ agar mehrbāñ rasūl-e-ḳhudā
nūr-e-mehr-o-mah-o-kavākib kyā
sab meñ jalva-kunāñ rasūl-e-ḳhudā
dekhnā hai ye ham ko ai 'bahzād'
kab bulā.eñ vahāñ rasūl-e-ḳhudā
zeb-e-farsh-e-jahan rasul-e-KHuda
zinat-e-asman rasul-e-KHuda
baKHshwaenge ek din sab ko
hami-e-asiyan rasul-e-KHuda
bani-e-lafz-e-kun hai zat un ki
wajh-e-kaun-o-makan rasul-e-KHuda
waqif-e-raaz-e-ibtida bhi hain
KHatm-e-paigham-baran rasul-e-KHuda
KHaliq-e-do-jahan bhi hai raazi
hain agar mehrban rasul-e-KHuda
nur-e-mehr-o-mah-o-kawakib kya
sab mein jalwa-kunan rasul-e-KHuda
dekhna hai ye hum ko ai 'bahzad'
kab bulaen wahan rasul-e-KHuda
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
