aaKHirii daliil

tumhaarii mohabbat

ab pahle se zyaada insaaf chaahtii hai

sub.h baarish ho rahii thii

jo tumhe.n udaas kar detii hai

is manzar ko laa-zavaal ban.ne kaa haq thaa

is khi.Dkii ko sabze kii taraf kholte hu.e

tumhe.n ek mu.haasare me.n aa.e dil kii yaad nahii.n aa.ii

ek gum-naam pul par

tum ne apne aap se mazbuut lahje me.n kahaa

mujhe akele rahnaa hai

mohabbat ko tum ne

hairat-zada kar dene vaalii KHush-qismatii nahii.n samjhaa

merii qismat jahaaz-raanii ke kaar-KHaane me.n nahii.n banii

phir bhii mai.n ne samundar ke faasle tai kiye

pur-asraar taur par KHud ko zinda rakkhaa

aur be-rahmii se shaa.irii kii

mere paas ek mohabbat karne vaale kii

tamaam KHaamiyaa.n

aur aaKHirii daliil hai

tumhaarii mohabbat

ab pahle se zyaada insaaf chaahtii hai

sub.h baarish ho rahii thii

jo tumhe.n udaas kar detii hai

is manzar ko laa-zavaal ban.ne kaa haq thaa

is khi.Dkii ko sabze kii taraf kholte hu.e

tumhe.n ek mu.haasare me.n aa.e dil kii yaad nahii.n aa.ii

ek gum-naam pul par

tum ne apne aap se mazbuut lahje me.n kahaa

mujhe akele rahnaa hai

mohabbat ko tum ne

hairat-zada kar dene vaalii KHush-qismatii nahii.n samjhaa

merii qismat jahaaz-raanii ke kaar-KHaane me.n nahii.n banii

phir bhii mai.n ne samundar ke faasle tai kiye

pur-asraar taur par KHud ko zinda rakkhaa

aur be-rahmii se shaa.irii kii

mere paas ek mohabbat karne vaale kii

tamaam KHaamiyaa.n

aur aaKHirii daliil hai