baGair janaaze ke dafnaa.ii ga.ii mohabbat

mai.n ek sanduuq uThaa.e chal rahaa huu.n

jo maa.n kii aaKHirii nishaanii hai

jis me.n kuchh chiize.n hai.n

ek ruumaal jo pahlii mahbuuba kaa tohfa hai

ek tasviir jo merii nahii.n

ek zanjiir jo qaid-KHaane me.n

mere paa.nv kii muhaafiz thii

aur ek diary bhii

jis me.n mohabbato.n kii nazme.n likhii hai.n

buu.Dhe mard kii javaan 'aurat se mohabbat

pahraa dete kutte kii shaahraah se mohabbat

pe.D kii aaKHirii patte se mohabbat

bha.nvar me.n pha.nsii kashtii kii saahil se mohabbat

suukhe phuul kii kitaab se mohabbat

khi.Dkii par dastak detii baarish kii mohabbat

mai.n sanduuq uThaa.e chaltaa rahuu.ngaa

jab tak ko.ii qabristaan nahii.n aataa

mai.n ise laa-vaaris qabr me.n dafn kar

faatiha pa.Dhe baGair lauT aa.uu.ngaa

sanduuq ke phaT pa.Dne ke Dar se

mai.n ek sanduuq uThaa.e chal rahaa huu.n

jo maa.n kii aaKHirii nishaanii hai

jis me.n kuchh chiize.n hai.n

ek ruumaal jo pahlii mahbuuba kaa tohfa hai

ek tasviir jo merii nahii.n

ek zanjiir jo qaid-KHaane me.n

mere paa.nv kii muhaafiz thii

aur ek diary bhii

jis me.n mohabbato.n kii nazme.n likhii hai.n

buu.Dhe mard kii javaan 'aurat se mohabbat

pahraa dete kutte kii shaahraah se mohabbat

pe.D kii aaKHirii patte se mohabbat

bha.nvar me.n pha.nsii kashtii kii saahil se mohabbat

suukhe phuul kii kitaab se mohabbat

khi.Dkii par dastak detii baarish kii mohabbat

mai.n sanduuq uThaa.e chaltaa rahuu.ngaa

jab tak ko.ii qabristaan nahii.n aataa

mai.n ise laa-vaaris qabr me.n dafn kar

faatiha pa.Dhe baGair lauT aa.uu.ngaa

sanduuq ke phaT pa.Dne ke Dar se