ایک نظم

کسی ان دیکھی دنیا کے کنارے پر کھڑے ہیں ہم

ہمارے ہاتھ میں یادوں کے کچھ متروک سکے ہیں

جنہیں ہم پھینکنا چاہیں

تو کوئی روک دیتا ہے

ہمیں معلوم ہے یارو

کلائی پر کسی کے نام کا ٹیٹو بنانے سے

کوئی اپنا نہیں ہوتا

نظر انداز لوگوں کا کہیں بھی گھر نہیں ہوتا

حکایت تو حکایت ہے

حقیقت میں کوئی ریزن ہمیں زندہ نہیں رکھتا

یہ دن بھی بیت جائیں گے

ابھی کچھ روز باقی ہیں

دلوں کے زخم بھرنے میں ذرا سی دیر لگتی ہے

مگر تب تک

چلو چائے کی ٹیبل پر کسی تصویر کو تکتے پرانا گیت سنتے ہیں

کہاں ہو تم چلے آؤ محبت کا تقاضا ہے