hame.n bhuul jaanaa chaahiye
us ii.nT ko bhuul jaanaa chaahiye
jis ke niiche hamaare ghar kii chaabii hai
jo ek KHvaab me.n TuuT gayaa
hame.n bhuul jaanaa chaahiye
us bose ko
jo machhlii ke kaa.nTe kii tarah hamaare gale me.n pha.ns gayaa
aur nahii.n nikaltaa
us zard ra.ng ko bhuul jaanaa chaahiye
jo suuraj-mukhii se alaahida diyaa gayaa
jab ham apnii dopahar kaa bayaan kar rahe the
hame.n bhuul jaanaa chaahiye
us aadmii ko
jo apne faaqe par
lohe kii chaadare.n bichhaataa hai
us la.Dkii ko bhuul jaanaa chaahiye
jo vaqt ko
davaa.o.n kii shiisho.n me.n band kartii hai
hame.n bhuul jaanaa chaahiye
us malbe se
jis kaa naam dil hai
kisii ko zinda nikaalaa jaa saktaa hai
hame.n kuchh lafzo.n ko bilkul bhuul jaanaa chaahiye
maslan
banii-nau-e-insaan
us ii.nT ko bhuul jaanaa chaahiye
jis ke niiche hamaare ghar kii chaabii hai
jo ek KHvaab me.n TuuT gayaa
hame.n bhuul jaanaa chaahiye
us bose ko
jo machhlii ke kaa.nTe kii tarah hamaare gale me.n pha.ns gayaa
aur nahii.n nikaltaa
us zard ra.ng ko bhuul jaanaa chaahiye
jo suuraj-mukhii se alaahida diyaa gayaa
jab ham apnii dopahar kaa bayaan kar rahe the
hame.n bhuul jaanaa chaahiye
us aadmii ko
jo apne faaqe par
lohe kii chaadare.n bichhaataa hai
us la.Dkii ko bhuul jaanaa chaahiye
jo vaqt ko
davaa.o.n kii shiisho.n me.n band kartii hai
hame.n bhuul jaanaa chaahiye
us malbe se
jis kaa naam dil hai
kisii ko zinda nikaalaa jaa saktaa hai
hame.n kuchh lafzo.n ko bilkul bhuul jaanaa chaahiye
maslan
banii-nau-e-insaan
- Book : AN EVENING OF CAGED BEASTS (Pg. 40)
- Author : Asif Farrukhi
- Publication : Ameena Saiyid, Oxford University (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
