kyaa aag sab se achchhii KHariidaar hai

lak.Dii ke bane hu.e aadmii

paanii me.n nahii.n Duubte

aur diivaaro.n se Taa.nge jaa sakte hai.n

shaayad unhe.n yaad hotaa hai

ki aaraa kyaa hai

aur daraKHt kise kahte hai.n

har daraKHt me.n lak.Dii ke aadmii nahii.n hote

jis tarah har zamiin ke Tuk.De me.n ko.ii kaar-aamad chiiz nahii.n hotii

jis daraKHt me.n lak.Dii ke aadmii

yaa lak.Dii kii mez

yaa kursii

yaa pala.ng nahii.n hotaa

aaraa banaane vaale use aag ke haath bech dete hai.n

aag sab se achchhii KHariidaar hai

vo apnaa jism mu.aavze me.n de detii hai

magar

aag ke haath giilii lak.Dii nahii.n bechnii chaahiye

giilii lak.Dii dhuup ke haath bechnii chaahiye

chaahe dhuup ke paas dene ko kuchh na ho

lak.Dii ke bane hu.e aadmii ko dhuup se mohabbat karnii chaahiye

dhuup use siidhaa kha.Daa honaa sikhaatii hai

mai.n jis aare se kaaTaa gayaa

vo maqnaatiis kaa thaa

use lak.Dii ke bane hu.e aadmii chalaa rahe the

ye aadmii daraKHt kii shaaKHo.n se banaa.e ga.e the

jab ki mai.n daraKHt ke tane se banaa

mai.n har kamzor aag ko apnii taraf khii.nch saktaa thaa

magar ek baar

ek jahannam mujh se khi.nch gayaa

lak.Dii ke bane hu.e aadmii

paanii me.n bahte hu.e

diivaaro.n par Ta.nge hu.e

aur qataaro.n me.n kha.De hu.e achchhe lagte hai.n

unhe.n kisii aag ko apnii taraf nahii.n khi.nchnaa chaahiye

aag jo ye bhii nahii.n puuchhtii

ki tum lak.Dii ke aadmii ho

yaa mez

yaa kursii

yaa diyaa-salaa.ii

lak.Dii ke bane hu.e aadmii

paanii me.n nahii.n Duubte

aur diivaaro.n se Taa.nge jaa sakte hai.n

shaayad unhe.n yaad hotaa hai

ki aaraa kyaa hai

aur daraKHt kise kahte hai.n

har daraKHt me.n lak.Dii ke aadmii nahii.n hote

jis tarah har zamiin ke Tuk.De me.n ko.ii kaar-aamad chiiz nahii.n hotii

jis daraKHt me.n lak.Dii ke aadmii

yaa lak.Dii kii mez

yaa kursii

yaa pala.ng nahii.n hotaa

aaraa banaane vaale use aag ke haath bech dete hai.n

aag sab se achchhii KHariidaar hai

vo apnaa jism mu.aavze me.n de detii hai

magar

aag ke haath giilii lak.Dii nahii.n bechnii chaahiye

giilii lak.Dii dhuup ke haath bechnii chaahiye

chaahe dhuup ke paas dene ko kuchh na ho

lak.Dii ke bane hu.e aadmii ko dhuup se mohabbat karnii chaahiye

dhuup use siidhaa kha.Daa honaa sikhaatii hai

mai.n jis aare se kaaTaa gayaa

vo maqnaatiis kaa thaa

use lak.Dii ke bane hu.e aadmii chalaa rahe the

ye aadmii daraKHt kii shaaKHo.n se banaa.e ga.e the

jab ki mai.n daraKHt ke tane se banaa

mai.n har kamzor aag ko apnii taraf khii.nch saktaa thaa

magar ek baar

ek jahannam mujh se khi.nch gayaa

lak.Dii ke bane hu.e aadmii

paanii me.n bahte hu.e

diivaaro.n par Ta.nge hu.e

aur qataaro.n me.n kha.De hu.e achchhe lagte hai.n

unhe.n kisii aag ko apnii taraf nahii.n khi.nchnaa chaahiye

aag jo ye bhii nahii.n puuchhtii

ki tum lak.Dii ke aadmii ho

yaa mez

yaa kursii

yaa diyaa-salaa.ii