نربھیا

اس کے جانے کا غم اس قدر طاری ہے

کہ ستاروں سے کہو گم ہو جائیں

چاند کو گٹھری میں ڈال کے جمنا میں ڈبو دو

سورج سے کہو کل رخصت لے لے

سمندروں سے کہو موجوں سے خالی ہو جائیں

بادلوں سے کہو سیاہ لحاف اوڑھ کے گھر سے نکلیں

یہ وقت لطف و مستی کا نہیں ہرگز

پرندوں سے کہو کوئی گیت ہو نہ کوئی پرواز

ہواؤں کو تھمنے کو کہو

اشجار سے کہو سرنگوں ہو جائیں

یہ وقت ہماری شرمندگی کا ہے

ہم وطنوں کو غمگیں ہونے کا ہے

ہمیں کچھ دیر یوں ہی تنہا چھوڑ دو

اس کے جانے کا غم اس قدر طاری ہے

اس کے جانے کا غم اس قدر طاری ہے