(1) be-chehragi

ham ek aisī vaadī daryāft kar chuke

jahāñ sirf dukhoñ kī fasl kāsht hotī hai

jannat kī baat karne vāloñ ke hoñT

ḳhāmushī ke dhāge se sī kar

unheñ sannāToñ kī jahannam meñ Daal diyā jaatā hai

mohabbat ke māthe par ''nafrat'' likhne kī siyāhī

har siine meñ Daal dī ga.ī hai

dhartī ke siine par ḳhushiyāñ sīñchne vāloñ kī āñkheñ

ab apne haath talāshtī phirtī haiñ

nafrat ke tezāb se ham

ek dūsre kā chehra bigāḌne par tul chuke haiñ

hamārī ma.asūmiyat ke chehre par

ḳhauf jaale bun chukā hai

hum ek aisi wadi daryaft kar chuke

jahan sirf dukhon ki fasl kasht hoti hai

jannat ki baat karne walon ke honT

KHamushi ke dhage se si kar

unhen sannaTon ki jahannam mein Dal diya jata hai

mohabbat ke mathe par nafrat likhne ki siyahi

har sine mein Dal di gai hai

dharti ke sine par KHushiyan sinchne walon ki aankhen

ab apne hath talashti phirti hain

nafrat ke tezab se hum

ek dusre ka chehra bigaDne par tul chuke hain

hamari masumiyat ke chehre par

KHauf jale bun chuka hai