wapsi

ḳhizāñ ke jaate hī rut kā pāñsa palaT gayā hai

bahār kī ḳhushbuoñ se gulshan kā zarra zarra mahak rahā hai

zamīñ kī rañgat badal ga.ī hai

kabhī taġhayyur jo mausamoñ kā

nirāle gītoñ ke saath aayā

to zindagī kī azīz-tar sā.atoñ ke mālik

bhaḌak uThe the

palak palak par ka.ī kahe an-kahe fasāne

machal ga.e the

to qand-e-guftār meñ bhī talḳhī rachī huī thī

fazā kī ālūdgī kā shikva thā un ke lab par

shunīda bātoñ kā ḳhauf un ke diloñ meñ aisā basā huā thā

ki vo kisī baat par yaqīñ bhī na karne paate

gire the un kī samā.atoñ aur basāratoñ par dabīz parde

kabhī jo mausam ne ruḳh jo badlā

to un ke hosh-o-havās jaage

unhoñ ne qudrat ke rañg dekhe

to zindagī kā yaqīn aayā

bahār kī samt lauT aa.e

KHizan ke jate hi rut ka pansa palaT gaya hai

bahaar ki KHushbuon se gulshan ka zarra zarra mahak raha hai

zamin ki rangat badal gai hai

kabhi taghayyur jo mausamon ka

nirale giton ke sath aaya

to zindagi ki aziz-tar saaton ke malik

bhaDak uThe the

palak palak par kai kahe an-kahe fasane

machal gae the

to qand-e-guftar mein bhi talKHi rachi hui thi

faza ki aaludgi ka shikwa tha un ke lab par

shunida baaton ka KHauf un ke dilon mein aisa basa hua tha

ki wo kisi baat par yaqin bhi na karne pate

gire the un ki samaaton aur basaraton par dabiz parde

kabhi jo mausam ne ruKH jo badla

to un ke hosh-o-hawas jage

unhon ne qudrat ke rang dekhe

to zindagi ka yaqin aaya

bahaar ki samt lauT aae