aiwan-e-taslis mein sham-e-wahdat jale

aur jab un ke ajdād kī sarzamīñ

jis kī āġhosh meñ vo pale

tañg hone lagī

jab usūloñ kī pākīzgī

aur ganda rivāyāt meñ

jañg hone lagī

to unheñ āsmāñ se hidāyat milī

nek band tumhāre liye

ye zamīñ ek hai

us safar meñ tumheñ rizq kī fikr hai

kyā anājoñ kī gaThrī uThā.e

charindoñ parindoñ ko dekhā kabhī

zād-e-rah

nek a.amāl haiñ

mere ahkām haiñ

maut kā ḳhauf be-kār hai

āḳhirī saañs ke ba.ad

sab ko palaTnā hai merī taraf

tum faqat jism hī to nahīñ

apne andar sulagtī huī raushnī

ke sahāre baḌho

ek hī jast meñ

dast-o-dariyā kī phailī huī

vus.ateñ naap lo

chappe chappe pe apne nuqūsh-e-qadam

is tarah sabt kar do

ki un ajnabiyoñ kī hairat miTe

aur paiham ta.āqub meñ dushman jo haiñ

un kī ḳhiffat baḌhe

mere ahkām kī raushnī

sab ke dil meñ utāro

ki aivān-e-taslīs meñ

sham-e-vahdat jale

aur jab un ke ajdad ki sarzamin

jis ki aaghosh mein wo pale

tang hone lagi

jab usulon ki pakizgi

aur ganda riwayat mein

jang hone lagi

to unhen aasman se hidayat mili

nek band tumhaare liye

ye zamin ek hai

us safar mein tumhein rizq ki fikr hai

kya anajon ki gaThri uThae

charindon parindon ko dekha kabhi

zad-e-rah

nek aamal hain

mere ahkaam hain

maut ka KHauf be-kar hai

aaKHiri sans ke baad

sab ko palaTna hai meri taraf

tum faqat jism hi to nahin

apne andar sulagti hui raushni

ke sahaare baDho

ek hi jast mein

dast-o-dariya ki phaili hui

wusaten nap lo

chappe chappe pe apne nuqush-e-qadam

is tarah sabt kar do

ki un ajnabiyon ki hairat miTe

aur paiham taaqub mein dushman jo hain

un ki KHiffat baDhe

mere ahkaam ki raushni

sab ke dil mein utaro

ki aiwan-e-taslis mein

sham-e-wahdat jale