23-march azan-e-subh-e-niyaz

vo kyā navā thī

ki jis kī lau se

ufuq raushnī ke manzar sañvar ga.e the

bahār-e-āsār-e-lahn kyā thā

ki ḳhushk shāḳhoñ ke zard chehre

gulāb-rañgoñ se dhul ga.e the

kalī kalī ke gudāz shānoñ par ḳhushbuoñ ke latīf parcham

na.e saveroñ se āshnā.ī ko khil ga.e the

vahī navā Dūbtī shaboñ meñ

azān-e-sub.h-e-niyāz ban kar

havā ke hoñToñ pe kheltī jab diloñ meñ utrī

to jism kī sarhadoñ ke us paar munjamid tīrgī kī shāḳhoñ par

raushnī ke gulāb ubhre

kiran kiran āftāb ubhre

wo kya nawa thi

ki jis ki lau se

ufuq raushni ke manzar sanwar gae the

bahaar-e-asar-e-lahn kya tha

ki KHushk shaKHon ke zard chehre

gulab-rangon se dhul gae the

kali kali ke gudaz shanon par KHushbuon ke latif parcham

nae saweron se aashnai ko khil gae the

wahi nawa Dubti shabon mein

azan-e-subh-e-niyaz ban kar

hawa ke honTon pe khelti jab dilon mein utri

to jism ki sarhadon ke us par munjamid tirgi ki shaKHon par

raushni ke gulab ubhre

kiran kiran aaftab ubhre