(3) be-chehragi

apnī tārīḳh ke ahrāmoñ meñ utar kar dekheñ

azāb-e-musalsal kī ye fasl

hamāre paas tārīḳh kī nishānī hai

yā surḳh siyāhī se hamārī na.ī tārīḳh likhī jā rahī hai

vo āñkheñ, vo hāth, vo chehre

ab kaun DhūñDe...?

jinhoñ ne hādsoñ ko yahāñ chalnā sikhāyā

agar vo mil bhī jaa.eñ...

to unheñ kaun pahchānegā?

unhoñ ne to apne chehre sab meñ baañT diye

ab to har taraf ek jaise hī chehre haiñ

har koī be-chehra hai

yahāñ to bas ek hī vaqt aa ke Thahrā hai

ḳhasāroñ kā kaḌā pahra hai

magar mumkin hia...

be-chehragī ke azaab ke us paar

ham sab ke chehre qaid hoñ

jis din sab ko apne chehre mil ga.e

to dil bhī mil jā.eñge

apni tariKH ke ahramon mein utar kar dekhen

azab-e-musalsal ki ye fasl

hamare pas tariKH ki nishani hai

ya surKH siyahi se hamari nai tariKH likhi ja rahi hai

wo aankhen, wo hath, wo chehre

ab kaun DhunDe?

jinhon ne hadson ko yahan chalna sikhaya

agar wo mil bhi jaen

to unhen kaun pahchanega?

unhon ne to apne chehre sab mein banT diye

ab to har taraf ek jaise hi chehre hain

har koi be-chehra hai

yahan to bas ek hi waqt aa ke Thahra hai

KHasaron ka kaDa pahra hai

magar mumkin hia

be-chehragi ke azab ke us par

hum sab ke chehre qaid hon

jis din sab ko apne chehre mil gae

to dil bhi mil jaenge