mujhse puchho

maiñ har daur meñ janmā

bāteñ har yug kī

dohrā saktā huuñ

mujh se pūchho

maiñ suqrāt ke hoñToñ par thā

zahr kā pyāla

maiñ ne piyā thā

aur suqrāt mirā kab thā

raam ne kab ban-bās liyā thā

vo to maiñ thā

chaudah saal to maiñ ne kaaTe

jañgal jañgal sahrā sahrā

maiñ bhaTkā thā

aur lanka tak

tum ko to ma.alūm nahīñ hai

maiñ bhī nuuh kī kashtī par thā

tum kyā jaano

vo kashtī to Duub ga.ī thī

us kashtī kā koī musāfir

kahāñ bachā thā

bas ik maiñ hī bach niklā thā

mujh se pūchho

aur bahut sī bāteñ

maiñ samjhā saktā huuñ

maiñ har daur meñ janmā

maiñ har daur meñ janmā

bāteñ har yug kī

dohrā saktā huuñ

main har daur mein janma

baaten har yug ki

dohra sakta hun

mujh se puchho

main suqraat ke honTon par tha

zahr ka pyala

main ne piya tha

aur suqraat mera kab tha

ram ne kab ban-bas liya tha

wo to main tha

chaudah sal to main ne kaTe

jangal jangal sahra sahra

main bhaTka tha

aur lanka tak

tum ko to malum nahin hai

main bhi nuh ki kashti par tha

tum kya jaano

wo kashti to Dub gai thi

us kashti ka koi musafir

kahan bacha tha

bas ek main hi bach nikla tha

mujh se puchho

aur bahut si baaten

main samjha sakta hun

main har daur mein janma

main har daur mein janma

baaten har yug ki

dohra sakta hun