Dal se koyal uD jati hai

patle patle hoñToñ par haiñ

āñkhoñ jaisī moTī bāteñ

aisī bāteñ kyuuñ karte ho

zulfeñ sapne

phuul aur jazbe

achchhā haañ ik baat batāo

kal tum itne chup chup kyuuñ the

ḳhāmoshī se yuuñ lagtā thā

jaise sapne TuuT rahe hoñ

mujhe ḳhabar hai merī ḳhātir

tum ne kyā kiyā

kūkte kūkte Daal se koyal uḌ jaatī hai

man kā mandir reza reza ho jaatā hai

maiñ kyā jānūñ tum ne kyā kyā dukh jhele haiñ

achchhā aao va.ada kar leñ

aisī bāteñ nahīñ kareñge

lekin haañ nārāz na honā

dekh mujh se milte rahnā

bolo ab maiñ jā.ūñ yahāñ se

maiñ aur vo ab patthar ke haiñ

usī jagah par khaḌe hue haiñ

jaane kab se gaḌe hue haiñ

ik patthar meñ āvāzeñ haiñ

ik patthar meñ sannāTā hai

sannāTā āvāz kā parda

āvāzeñ sannāTe kā

bolo ab maiñ jā.ūñ yahāñ se

maiñ kahtā huuñ jā sakte ho

patle patle honTon par hain

aankhon jaisi moTi baaten

aisi baaten kyun karte ho

zulfen sapne

phul aur jazbe

achchha han ek baat batao

kal tum itne chup chup kyun the

KHamoshi se yun lagta tha

jaise sapne TuT rahe hon

mujhe KHabar hai meri KHatir

tum ne kya kiya

kukte kukte Dal se koyal uD jati hai

man ka mandir reza reza ho jata hai

main kya jaanun tum ne kya kya dukh jhele hain

achchha aao wada kar len

aisi baaten nahin karenge

lekin han naraaz na hona

dekh mujh se milte rahna

bolo ab main jaun yahan se

main aur wo ab patthar ke hain

usi jagah par khaDe hue hain

jaane kab se gaDe hue hain

ek patthar mein aawazen hain

ek patthar mein sannaTa hai

sannaTa aawaz ka parda

aawazen sannaTe ka

bolo ab main jaun yahan se

main kahta hun ja sakte ho