sham ki barish

kaun se koh kī aaḌ meñ lī ḳhurshīd ne jā kar aaj panāh

chou-tarfā yalġhār sī kī hai abr ne bhī tā-hadd-e-nazar

dhīme chalte kaale bādal uḌtī sī ujlī badlī

raqsāñ raqsāñ jhalak dikhā kar rah jaatī hai barq kabhī

pattoñ ke jhurmuT meñ saa.e kajlā.e sharmā.e se

phuul halīmī se sar ḳham aur kaliyāñ kuchh sharmā.ī siiñ

dānista bārish meñ uḌte phirte āvāra taa.ir

yahāñ vahāñ baiThe kitne bhīgīñ chup-chāp se ḳhush ho kar

bijlī kī mānūs kaḌak shah-zor garaj ye bādal kī

ab ke ham ne kitnī dhūpeñ is mausam kī raah takī

kaun se koh ki aaD mein li KHurshid ne ja kar aaj panah

chou-tarfa yalghaar si ki hai abr ne bhi ta-hadd-e-nazar

dhime chalte kale baadal uDti si ujli badli

raqsan raqsan jhalak dikha kar rah jati hai barq kabhi

patton ke jhurmuT mein sae kajlae sharmae se

phul halimi se sar KHam aur kaliyan kuchh sharmai sin

danista barish mein uDte phirte aawara tair

yahan wahan baiThe kitne bhigin chup-chap se KHush ho kar

bijli ki manus kaDak shah-zor garaj ye baadal ki

ab ke hum ne kitni dhupen is mausam ki rah taki