تم روح کے ساز پہ گیت گاتی رہو
میں تن کی خیر مانگتا ہوں
ہمیں آزادی کی یہ صدی عاریتاً ملی ہے
اس کا اسراف احتیاط مانگے گا
تم کچھ احتیاط بچا رکھنا
میں جنگلوں کے سفر سے سلامت لوٹ آیا
تو تم سے مستعار لے لوں گا یہ احتیاط
تم اپنے گھر کی انگیٹھی میں کڑکڑاتی لکڑیوں کے کوئلوں سے
راکھ بنانا
اور اپنے لہو لگے دامن میں کچھ راکھ بچا رکھنا
میں قافلہ جنگلوں میں گنوا آیا ہوں
راکھ گم شدہ لوگوں کی اطلاع ہے
تم اس اطلاع کی حفاظت کرنا
جب میں جنگلوں کے سفر سے لوٹوں
تو مجھے خبر کرنا
ہمیں آزادی کی یہ صدی عاریتاً ملی ہے
اس کا اسراف احتیاط مانگے گا
تم کچھ احتیاط بچا رکھنا
احتیاط بہ ہر طور ضروری ہے
- کتاب : Pakistani Adab (Pg. 147)
- Author : Dr. Rashid Amjad
- مطبع : Pakistan Academy of Letters, Islambad, Pakistan (2009)
- اشاعت : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
