tijarati hawa

vo din kaise din the

havā mujh se kahtī

chalo saath mere

chalo donoñ mil kar tijārat kareñ

duur kī sar-zamīnoñ ke

logoñ se

peñgeñ baḌhā.eñ

samundar kī maujoñ ko ham paar kar ke

ghane surḳh shahroñ meñ maujeñ uḌā.īñ

magar maiñ ye kahtā

mujhe samt se kuchh bhī lenā nahīñ hai

ki har samt

sāhil pe baiThī chaTTānoñ se

sar phoḌtī hai

vahīñ phir chaTTānoñ ke qadmoñ meñ

dam toḌtī hai

nahīñ maiñ ye kahtā

mujhe duur desoñ ko jaanā nahīñ hai

mujhe to samundar ke andar hī rahnā hai

whēloñ se aur shārkoñ se bhare

gahre sāgar meñ chāroñ taraf ghūmnā hai

mujhe un jazīroñ se bhī duur rahnā hai

jo mīThe naġhmoñ siren kā jaadū jagā.e

ghanī niiñd taqsīm karne pe māmūr haiñ

havā mujh se kahtī

chalo saath mere

magar maiñ samundar ke namkīn paanī kā aadī

mujhe kyā paḌī thī ki maiñ

sar-phirī us havā kī koī baat suntā

kisī sāhilī shahr ke pub pub ke andar

lahū aise mashrūb kī tah meñ

talchhaT kī sūrat sharābor hotā

mujhe kyā paḌī thī

haTo

surḳh mashrūb kī tah se

chhañgulī pe rakh kar nikālo na mujh ko

dikhāo na sab ko

maiñ sāgar kā baasī

mujhe kyā paḌī thī

maiñ ik sāhilī shahr ke pub ke andar

lahū aise mashrūb kī tah meñ

talchhaT kī sūrat sharābor hotā

mujhe kyā paḌī thī

wo din kaise din the

hawa mujh se kahti

chalo sath mere

chalo donon mil kar tijarat karen

dur ki sar-zaminon ke

logon se

pengen baDhaen

samundar ki maujon ko hum par kar ke

ghane surKH shahron mein maujen uDain

magar main ye kahta

mujhe samt se kuchh bhi lena nahin hai

ki har samt

sahil pe baiThi chaTTanon se

sar phoDti hai

wahin phir chaTTanon ke qadmon mein

dam toDti hai

nahin main ye kahta

mujhe dur deson ko jaana nahin hai

mujhe to samundar ke andar hi rahna hai

wheelon se aur shaarkon se bhare

gahre sagar mein chaaron taraf ghumna hai

mujhe un jaziron se bhi dur rahna hai

jo miThe naghmon siren ka jadu jagae

ghani nind taqsim karne pe mamur hain

hawa mujh se kahti

chalo sath mere

magar main samundar ke namkin pani ka aadi

mujhe kya paDi thi ki main

sar-phiri us hawa ki koi baat sunta

kisi sahili shahr ke pub pub ke andar

lahu aise mashrub ki tah mein

talchhaT ki surat sharabor hota

mujhe kya paDi thi

haTo

surKH mashrub ki tah se

chhanguli pe rakh kar nikalo na mujh ko

dikhao na sab ko

main sagar ka basi

mujhe kya paDi thi

main ek sahili shahr ke pub ke andar

lahu aise mashrub ki tah mein

talchhaT ki surat sharabor hota

mujhe kya paDi thi