aa lagi hai ret

aa lagī hai ret dīvāroñ ke saath

saare darvāzoñ ke saath

surḳh īñToñ kī chhatoñ par reñgtī hai

niilī niilī khiḌkiyoñ se jhāñktī hai

ret

ret ruk jā

khel tai kar leñ

sunahre taash ke pattoñ se darzoñ

rauzanoñ ko band kar leñ ret

ruk jā

sust barsāteñ ki jin par dauḌ paḌnā

jin ko dāñtoñ meñ chabā lenā

koī mushkil na thā

tū ne vo saarī nigal Daalī haiñ raat

raat ham hañste rahe ai ret

tū dīvānī billī thī jo apnī dum ke pīchhe

ghūmtī jaatī thī

us ko chāTtī jaatī thī raat

ret kī ik umr hai ik vaqt hai

lekin hameñ

ḳhud se judā kartī chalī jaatī hai ret

nā-gahāñ ham sab pe chhā jaane kī ḳhātir

ye hamārī maut ban kar taaza kar detī hai

yādeñ duur kī yā der kī

ret ko muTThī meñ le kar dekhte haiñ

apne poroñ se use chhante hue

ham dekhte haiñ

apne paañv meñ phisalte dekhte haiñ

ret par chalte hue

apne gesū se aT jaate haiñ

bhar jaate haiñ pairāhan

hamāre bātinoñ ko chīrtī jaatī hai ret

phailtī jaatī hai jism-o-jāñ ke har-sū

ham pe gherā Dāltī jaatī hai

ret

ret ik musbat nafī thī

ret sarhad thī kabhī

ret aarif kī aziyyat kā badal thī

āñsuoñ kī ġham kī pahnā.ī thī ret

apnī jū.yā.ī thī ret

ret meñ har-kas the ham

dūsrā koī na thā

ret vo duniyā thī jis par dushmanoñ kī

mohr lag saktī na thī

us ko apnā tak koī saktā na thā

ret par ham sun rahe haiñ aaj

pīrāna-sarī kī apnī tanhā.ī

kī chaap

din ke sāhil par utar kar

aane vaalī raat ke tuude lagātī

jā rahī hai

nā-gahāñ kī be-nihāyat ko uḌā laa.ī hai

ret

dil ke sūne-pan meñ dar aa.ī hai

ret

ret

aa lagi hai ret diwaron ke sath

sare darwazon ke sath

surKH inTon ki chhaton par rengti hai

nili nili khiDkiyon se jhankti hai

ret

ret ruk ja

khel tai kar len

sunahre tash ke patton se darzon

rauzanon ko band kar len ret

ruk ja

sust barsaten ki jin par dauD paDna

jin ko danton mein chaba lena

koi mushkil na tha

tu ne wo sari nigal Dali hain raat

raat hum hanste rahe ai ret

tu diwani billi thi jo apni dum ke pichhe

ghumti jati thi

us ko chaTti jati thi raat

ret ki ek umr hai ek waqt hai

lekin hamein

KHud se juda karti chali jati hai ret

na-gahan hum sab pe chha jaane ki KHatir

ye hamari maut ban kar taza kar deti hai

yaaden dur ki ya der ki

ret ko muTThi mein le kar dekhte hain

apne poron se use chhante hue

hum dekhte hain

apne panw mein phisalte dekhte hain

ret par chalte hue

apne gesu se aT jate hain

bhar jate hain pairahan

hamare baatinon ko chirti jati hai ret

phailti jati hai jism-o-jaan ke har-su

hum pe ghera Dalti jati hai

ret

ret ek musbat nafi thi

ret sarhad thi kabhi

ret aarif ki aziyyat ka badal thi

aansuon ki gham ki pahnai thi ret

apni juyai thi ret

ret mein har-kas the hum

dusra koi na tha

ret wo duniya thi jis par dushmanon ki

mohr lag sakti na thi

us ko apna tak koi sakta na tha

ret par hum sun rahe hain aaj

pirana-sari ki apni tanhai

ki chap

din ke sahil par utar kar

aane wali raat ke tude lagati

ja rahi hai

na-gahan ki be-nihayat ko uDa lai hai

ret

dil ke sune-pan mein dar aai hai

ret

ret