aadmi ka insan hona

sadiyāñ qatār-dar-qatār khaḌī haiñ

apnī jagah sākit-o-jāmid

baḌe tajassus se dekhtī haiñ

ek dūsre se bāteñ kartī haiñ

usī ek mas.ale par

jise hal na kar paane kā afsos hai

peshānī pe bantī bigaḌtī

lakīroñ kī shakl meñ numāyāñ hai

jise hal karne ke liye allāh ne

kitne hī nabī aur autār zamīn par bheje

unhoñ ne apne kalām se is zamīñ ko sarfarāz kiyā

vaqt guzartā rahā guzartā rahā guzartā rahā

magar mas.ala vaise kā vaisā hī hai ab bhī

bilkul pahle kī tarah

balki pahle se bhī zyāda ḳhaufnāk shakl meñ

vahī mas.ala

aadmī ke insān banñe kā

sadiyan qatar-dar-qatar khaDi hain

apni jagah sakit-o-jamid

baDe tajassus se dekhti hain

ek dusre se baaten karti hain

usi ek masale par

jise hal na kar pane ka afsos hai

peshani pe banti bigaDti

lakiron ki shakl mein numayan hai

jise hal karne ke liye allah ne

kitne hi nabi aur autar zamin par bheje

unhon ne apne kalam se is zamin ko sarfaraaz kiya

waqt guzarta raha guzarta raha guzarta raha

magar masala waise ka waisa hi hai ab bhi

bilkul pahle ki tarah

balki pahle se bhi zyaada KHaufnak shakl mein

wahi masala

aadmi ke insan banne ka