aadmi ka nasha

do sharābī daraḳht

apnā baḌā sar hilā hilā kar jhuum rahe haiñ

sūraj ke jaam se

aaj unhoñ ne

kuchh ziyādā hī chaḌhā lī hai

ab vo

apnī shāḳhoñ meñ baiThe

parindoñ kī chahkār se ziyādā

saḌak par chalte traffic ke shor ko

inhimāk se sun rahe haiñ

donoñ sharābī daraḳht

jaḌoñ samet

saḌak par aa gire haiñ

traffic jaam ho jaatā hai

baseñ, kāreñ

scōter aur cycleñ ruk jaatī haiñ

horn bajnā shurūa ho jaate haiñ

magar nashe meñ dhut daraḳht

jaḌoñ samet

saḌak ke bīchoñ biich paḌe haiñ

maiñ ne daraḳht se ek shāḳh toḌī

aur saarī raat

apne aas paas reñgne vaale kīḌoñ ko

mārne meñ guzār dī

sub.h dūsre kīḌoñ ke saath saath

mujhe us kī laash apne pairoñ ke aas paas hī milī

jis ke hukm par maiñ ne apne mashkīze kā paanī

ret par girā diyā thā

aur nañge pair us ke pīchhe ho liyā thā

shāyad maiñ ne añdhere meñ

daraḳht kī shāḳh se use bhī kuchal diyā thā

maiñ ne daraḳht ko dekhā

magar vahāñ to sire se koī daraḳht thā hī nahīñ

maiñ ne aage baḌhne kī Thānī

phir mujhe andāza huā

koī mere saath saath chal rahā hai

maiñ ne use muḳhātib kiyā

aur use mashkīze kā paanī zaa.e karne kā hukm diyā

aur us ke aage aage chalne lagā

do sharabi daraKHt

apna baDa sar hila hila kar jhum rahe hain

suraj ke jam se

aaj unhon ne

kuchh ziyaada hi chaDha li hai

ab wo

apni shaKHon mein baiThe

parindon ki chahkar se ziyaada

saDak par chalte traffic ke shor ko

inhimak se sun rahe hain

donon sharabi daraKHt

jaDon samet

saDak par aa gire hain

traffic jam ho jata hai

basen, karen

scooter aur cyclen ruk jati hain

horn bajna shurua ho jate hain

magar nashe mein dhut daraKHt

jaDon samet

saDak ke bichon bich paDe hain

main ne daraKHt se ek shaKH toDi

aur sari raat

apne aas pas rengne wale kiDon ko

marne mein guzar di

subh dusre kiDon ke sath sath

mujhe us ki lash apne pairon ke aas pas hi mili

jis ke hukm par main ne apne mashkize ka pani

ret par gira diya tha

aur nange pair us ke pichhe ho liya tha

shayad main ne andhere mein

daraKHt ki shaKH se use bhi kuchal diya tha

main ne daraKHt ko dekha

magar wahan to sire se koi daraKHt tha hi nahin

main ne aage baDhne ki Thani

phir mujhe andaza hua

koi mere sath sath chal raha hai

main ne use muKHatib kiya

aur use mashkize ka pani zae karne ka hukm diya

aur us ke aage aage chalne laga