aag

aag jab pahle-pahal sarsabz vaadī meñ utrī

to logoñ ne kahā

aag raushan hai

aur un meñ se jo ziyāda sochte the bole

aag ḳhudā kā maz.har hai

ḳhudā kī tarah ḳhūbsūrat raushan aur tāqat-var

chand logoñ ne dabī zabān se kahā bhī

aag kis kī dost huī hai

lekin un kī zabāneñ kaaT dī ga.iiñ

aur un ke sar qalam kar diye ga.e

aur jahāñ aag utrī thī

vahāñ ek ma.abad ta.amīr kar diyā gayā

aur aag phailtī rahī

chand logoñ ne phir dabī zabān se kahā

aag bhalā kis kī dost huī hai

aur un kī zabāneñ bhī kaaT dī ga.iiñ

aur un ke sar bhī qalam kar diye ga.e

aur aag phailtī rahī

zabāneñ kaTtī rahīñ

aur sar qalam hote rahe

yahāñ tak ki saarī vaadī ek ma.abad ban ga.ī

aur ma.abad khañDar ban gayā

aur vo jo ziyāda sochte the

vo sochte sochte aag kā rizq ban ga.e

aag bhalā kis kī dost huī hai

aag jab pahle-pahal sarsabz wadi mein utri

to logon ne kaha

aag raushan hai

aur un mein se jo ziyaada sochte the bole

aag KHuda ka mazhar hai

KHuda ki tarah KHubsurat raushan aur taqat-war

chand logon ne dabi zaban se kaha bhi

aag kis ki dost hui hai

lekin un ki zabanen kaT di gain

aur un ke sar qalam kar diye gae

aur jahan aag utri thi

wahan ek mabad tamir kar diya gaya

aur aag phailti rahi

chand logon ne phir dabi zaban se kaha

aag bhala kis ki dost hui hai

aur un ki zabanen bhi kaT di gain

aur un ke sar bhi qalam kar diye gae

aur aag phailti rahi

zabanen kaTti rahin

aur sar qalam hote rahe

yahan tak ki sari wadi ek mabad ban gai

aur mabad khanDar ban gaya

aur wo jo ziyaada sochte the

wo sochte sochte aag ka rizq ban gae

aag bhala kis ki dost hui hai