aah be-tasir

abhī ham āh-e-be-tāsīr kī tāsīr dekheñge

abhī taqdīr se uljhī huī tadbīr dekheñge

bahut dushvār hai dāman chhuḌā kar yuuñ nikal jaanā

qayāmat tak vo merī ḳhaak dāman-gīr dekheñge

tire gesū ke saudā.ī tirī zulfoñ ke dīvāne

sahar tak ḳhvāb meñ uḌtī huī zanjīr dekheñge

hamāre sāmne tum ho tumhāre sāmne ham haiñ

na dekhī thī na dekhī hai na ye tasvīr dekheñge

hamārī ḳhaak uḌ kar āstān-e-yār tak pahuñche

kabhī aisī bhī gardish gardish-e-taqdīr dekheñge

agar fursat milī ham ko zamāne kī kashākash se

tujhe bhī ek din ai āh-e-pur-tāsīr dekheñge

abhi hum aah-e-be-tasir ki tasir dekhenge

abhi taqdir se uljhi hui tadbir dekhenge

bahut dushwar hai daman chhuDa kar yun nikal jaana

qayamat tak wo meri KHak daman-gir dekhenge

tere gesu ke saudai teri zulfon ke diwane

sahar tak KHwab mein uDti hui zanjir dekhenge

hamare samne tum ho tumhaare samne hum hain

na dekhi thi na dekhi hai na ye taswir dekhenge

hamari KHak uD kar aastan-e-yar tak pahunche

kabhi aisi bhi gardish gardish-e-taqdir dekhenge

agar fursat mili hum ko zamane ki kashakash se

tujhe bhi ek din ai aah-e-pur-tasir dekhenge