aaina pesh aaina

ek vijdān ke bargad ke ghane peḌ tale

ek pal muuñd ke āñkheñ jo sameTā ḳhud ko

dāman-e-vaqt kī mānind vo pal phail gayā

jism aur jaan zamāñ aur makāñ ek hue

ḳhud chamakne lagā tārīk hijāb

saat rañgoñ meñ vo tārīkī baTī

aur un rañgoñ ke dariyāoñ se

zohra nāhīd surayyā ke mazāmīr kā naġhma uThā

be-karāñ nuur meñ ghul-mil ga.e sātoñ dariyā

tezī aisī ki hazāroñ ḳhurshīd

ThanDak aisī ki hazāroñ mahtāb

be-karāñ nuur kī tah meñ jab utar kar khulīñ merī āñkheñ

tere āġhosh meñ rakhe hue meñ sar nazar aayā ḳhud ko

be-karāñ nuur tirī āñkhoñ meñ paayā maiñ ne

aur is nuur kī tah meñ ḳhud ko

ek wijdan ke bargad ke ghane peD tale

ek pal mund ke aankhen jo sameTa KHud ko

daman-e-waqt ki manind wo pal phail gaya

jism aur jaan zaman aur makan ek hue

KHud chamakne laga tarik hijab

sat rangon mein wo tariki baTi

aur un rangon ke dariyaon se

zohra nahid surayya ke mazamir ka naghma uTha

be-karan nur mein ghul-mil gae saton dariya

tezi aisi ki hazaron KHurshid

ThanDak aisi ki hazaron mahtab

be-karan nur ki tah mein jab utar kar khulin meri aankhen

tere aaghosh mein rakhe hue mein sar nazar aaya KHud ko

be-karan nur teri aankhon mein paya main ne

aur is nur ki tah mein KHud ko