aaine

aur phir

raat kī bisāt ulaT ga.ī

musāfiroñ ne ek saal ke

purāne chehre pheñk kar

na.e lagā liye

kitne ḳhush-nasīb haiñ jin ke paas

koī aa.ina nahīñ

jin ke paas

vaqt sirf vaqt hai

koī silsila nahīñ

bhalā nahīñ burā nahīñ

kitne ḳhush-nasīb haiñ

ek saal meñ

sab badal ga.e

zamīñ kī kokh tuḳhm-reziyoñ kī muntazir hai

pichhlī fasl kaT ga.ī

raat kī bisāt ulaT ga.ī

'salīm' ik azal kī chīḳh

raat kī bisāt ulaT ga.ī

chalo sameT leñ

jhilmilāte aks par nishāñ shabāhateñ

buuñd ashk kī

chashm-e-mehrbāñ se buuñd ek ashk kī

varna roz-e-hashr

apne apne marqadoñ se

kis tarah uThā.e jā.eñge

kaisā sāneha apne aap se

kis qadar alag haiñ ham

kaisā sāneha hai ye

kaisā sāneha hai ye

sard raat

khiḌkiyoñ meñ sard tīrgī

tīrgī ke aa.ine tale

ik fazā-e-lā-makāñ

amiiq kis qadar amiiq

basīt kis qadar basīt

merī dast meñ se duur

merī ruuh par muhīt

shajar shajar meñ dasht-o-koh meñ ravāñ-davāñ

hamāre jism kā lahū

ek sail

sail-e-be-karāñ

musāfiroñ kī bhiiḌ se alag

mujh se be-ḳhabar

tum se be-niyāz

hamāre aks-e-be-hijāb

daur daur pur-fishāñ

un kī apnī zindagī

un ke ḳhvāb

ik kiran kī chhūT se

sabz surḳh nīlgūñ banafsha.ī

kitne rañg kaise kaise naqsh-e-nā-tamām

jumbish-e-nigāh se bane

jumbish-e-nigāh se pighal ga.e

aur phir

raat ki bisat ulaT gai

musafiron ne ek sal ke

purane chehre phenk kar

nae laga liye

kitne KHush-nasib hain jin ke pas

koi aaina nahin

jin ke pas

waqt sirf waqt hai

koi silsila nahin

bhala nahin bura nahin

kitne KHush-nasib hain

ek sal mein

sab badal gae

zamin ki kokh tuKHm-reziyon ki muntazir hai

pichhli fasl kaT gai

raat ki bisat ulaT gai

'salim' ek azal ki chiKH

raat ki bisat ulaT gai

chalo sameT len

jhilmilate aks par nishan shabahaten

bund ashk ki

chashm-e-mehrban se bund ek ashk ki

warna roz-e-hashr

apne apne marqadon se

kis tarah uThae jaenge

kaisa saneha apne aap se

kis qadar alag hain hum

kaisa saneha hai ye

kaisa saneha hai ye

sard raat

khiDkiyon mein sard tirgi

tirgi ke aaine tale

ek faza-e-la-makan

amiq kis qadar amiq

basit kis qadar basit

meri dast mein se dur

meri ruh par muhit

shajar shajar mein dasht-o-koh mein rawan-dawan

hamare jism ka lahu

ek sail

sail-e-be-karan

musafiron ki bhiD se alag

mujh se be-KHabar

tum se be-niyaz

hamare aks-e-be-hijab

daur daur pur-fishan

un ki apni zindagi

un ke KHwab

ek kiran ki chhuT se

sabz surKH nilgun banafshai

kitne rang kaise kaise naqsh-e-na-tamam

jumbish-e-nigah se bane

jumbish-e-nigah se pighal gae