aaine se jhankti be-chehragi

ā.īna

chehroñ kā jahāñ hairat

magar vo mujhe merā chehra dene se qāsir

hairat-zada ho kar

maiñ ne bārhā ā.īne meñ jhāñkā

kitne hī ā.īne badal Daale

har ek se apnā chehra māñgā

ā.īne par

apne gum-shuda chehre kī ka.ī nishāniyāñ tak ibārat kar Dālīñ

lekin maiñ kahīñ maujūd nahīñ thā

shāyad maiñ ā.īne se gum ho gayā thā

aur vo mujhe be-chehragī kī sazā sunā chukā thā

sazā ke is silsile kā

inhirāf kar kar ke maiñ ne apne andar jhāñkā

to hairāngī mujh se lipaT paḌī

merā chehra mere andar

un ālūda lamhoñ kī qaid meñ thā

jin kā shikār ho kar maiñ ne kabhī ā.īne ko dhundlā kiyā thā

aaina

chehron ka jahan hairat

magar wo mujhe mera chehra dene se qasir

hairat-zada ho kar

main ne barha aaine mein jhanka

kitne hi aaine badal Dale

har ek se apna chehra manga

aaine par

apne gum-shuda chehre ki kai nishaniyan tak ibarat kar Dalin

lekin main kahin maujud nahin tha

shayad main aaine se gum ho gaya tha

aur wo mujhe be-chehragi ki saza suna chuka tha

saza ke is silsile ka

inhiraf kar kar ke main ne apne andar jhanka

to hairangi mujh se lipaT paDi

mera chehra mere andar

un aaluda lamhon ki qaid mein tha

jin ka shikar ho kar main ne kabhi aaine ko dhundla kiya tha