aaj-kal

har sar meñ imtihān kā saudā hai āj-kal

har dil meñ fail hone kā dhaḌkā hai āj-kal

parchoñ ke out hone kā charchā hai āj-kal

koī nahīñ kisī kī bhī suntā hai āj-kal

munnī kī aañkh nam hai to munnā ke dil meñ ġham

bechainiyoñ meñ koī kisī se nahīñ hai kam

dīmak kī tarah chaaT rahā hai koī kitāb

koī ye sochtā hai ki ab aa.egā itaab

paḌhtā hai raat bhar koī juġhrāfiya kā baab

pencil se soḳhta pe hai likhtā koī javāb

har zī-shu.ūr khel ke maidāñ se duur hai

paḌhne se koī aur koī likhne se chuur hai

anjum kī aañkh nam hai to firdaus haiñ udaas

'mohsin' ye sochte haiñ ki hoñge ye kaise paas

azrā kī ye duā hai ki aa jaa.e raTnā raas

har zehn meñ hai ḳhauf to har dil meñ hai hirās

koī nazar meñ maut kā naqsha liye hue

baiThā hai koī haath meñ basta liye hue

khāne kī fikr hai na hai fōtbāl kā ḳhayāl

chehre pe har nafas ke hai tahrīr dil kā haal

is baar fail gar hue jiinā huā muhāl

abbū ke mār-pīT se utregī merī khaal

yāroñ ko kis tarah se muñh apnā dikhā.eñge

aur kis tarah se manzil-e-ummīd pā.eñge

baaqī kuchh aise log bhī haiñ is jahān meñ

jo farq aane dete nahīñ apnī aan meñ

siine phulā phulā ke nikalte haiñ shaan meñ

jaise ki koī ḳhatra na ho imtihān meñ

ye log zinda-dil haiñ bahādur haiñ sher haiñ

jo fail ho ke hote haiñ ḳhush vo diler haiñ

paḌhne kā ġham hai in ko na hai in ko fikr-e-dosh

har vaqt khelte haiñ paḌhā.ī kā kis ko hosh

aapas meñ laḌ bhī lete haiñ jab aa.e in ko josh

hañste haiñ imtihān ke din ye kutub-farosh

in ke liye zamāne meñ koī bhī ġham nahīñ

chikne ghaḌe haiñ ye inheñ koī alam nahīñ

har sar mein imtihan ka sauda hai aaj-kal

har dil mein fail hone ka dhaDka hai aaj-kal

parchon ke out hone ka charcha hai aaj-kal

koi nahin kisi ki bhi sunta hai aaj-kal

munni ki aankh nam hai to munna ke dil mein gham

bechainiyon mein koi kisi se nahin hai kam

dimak ki tarah chaT raha hai koi kitab

koi ye sochta hai ki ab aaega itab

paDhta hai raat bhar koi jughrafiya ka bab

pencil se soKHta pe hai likhta koi jawab

har zi-shuur khel ke maidan se dur hai

paDhne se koi aur koi likhne se chur hai

anjum ki aankh nam hai to firdaus hain udas

'mohsin' ye sochte hain ki honge ye kaise pas

azra ki ye dua hai ki aa jae raTna ras

har zehn mein hai KHauf to har dil mein hai hiras

koi nazar mein maut ka naqsha liye hue

baiTha hai koi hath mein basta liye hue

khane ki fikr hai na hai footbaal ka KHayal

chehre pe har nafas ke hai tahrir dil ka haal

is bar fail gar hue jina hua muhaal

abbu ke mar-piT se utregi meri khaal

yaron ko kis tarah se munh apna dikhaenge

aur kis tarah se manzil-e-ummid paenge

baqi kuchh aise log bhi hain is jahan mein

jo farq aane dete nahin apni aan mein

sine phula phula ke nikalte hain shan mein

jaise ki koi KHatra na ho imtihan mein

ye log zinda-dil hain bahadur hain sher hain

jo fail ho ke hote hain KHush wo diler hain

paDhne ka gham hai in ko na hai in ko fikr-e-dosh

har waqt khelte hain paDhai ka kis ko hosh

aapas mein laD bhi lete hain jab aae in ko josh

hanste hain imtihan ke din ye kutub-farosh

in ke liye zamane mein koi bhi gham nahin

chikne ghaDe hain ye inhen koi alam nahin