aaj ki taza KHabar

aaj kī taaza ḳhabar aaj kī taaza ḳhabar aaj kī taaza ḳhabar

koī be-par kī nahīñ koī be-sar kī nahīñ hai ye par taaza ḳhabar

aaj ik taaza ḳhabar aa.ī hai ambāle se

laash ik hāthī kī niklī hai kisī naale se

doctor dekh ke bolā ye use aale se

ye marā zahr se nā qatl huā bhāle se

mar gayā bhuuk meñ ye khā ke kahīñ kachchī maTar

aaj kī taaza ḳhabar aaj kī taaza ḳhabar aaj kī taaza ḳhabar

ik kabāḌī se mujhe mil gayā jaadū kā charāġh

rāt-din ḳharch kiyā kartā huuñ is par maiñ dimāġh

sochtā huuñ ki musībat ko mile dil ko farāġh

lekin ab tak na milā koī ḳhazāne kā surāġh

log kahte haiñ amal meñ hai tire dam kī kasar

aaj kī taaza ḳhabar aaj kī taaza ḳhabar aaj kī taaza ḳhabar

bamba.ī bhāgā thā ik laḌkā jo apne ghar se

jeb ḳhālī thī na the us meñ na.e das paise

shakl T-T kī yakāyak jo nazar aa.ī use

āḳhirash kuud paḌā chaltī huī gaaḌī se

be-ticket ḳhatm huā manzil-e-hastī kā safar

aaj kī taaza ḳhabar aaj kī taaza ḳhabar aaj kī taaza ḳhabar

aaj ki taza KHabar aaj ki taza KHabar aaj ki taza KHabar

koi be-par ki nahin koi be-sar ki nahin hai ye par taza KHabar

aaj ek taza KHabar aai hai ambaale se

lash ek hathi ki nikli hai kisi nale se

doctor dekh ke bola ye use aale se

ye mara zahr se na qatl hua bhaale se

mar gaya bhuk mein ye kha ke kahin kachchi maTar

aaj ki taza KHabar aaj ki taza KHabar aaj ki taza KHabar

ek kabaDi se mujhe mil gaya jadu ka charagh

raat-din KHarch kiya karta hun is par main dimagh

sochta hun ki musibat ko mile dil ko faragh

lekin ab tak na mila koi KHazane ka suragh

log kahte hain amal mein hai tere dam ki kasar

aaj ki taza KHabar aaj ki taza KHabar aaj ki taza KHabar

bambai bhaga tha ek laDka jo apne ghar se

jeb KHali thi na the us mein nae das paise

shakl T-T ki yakayak jo nazar aai use

aaKHirash kud paDa chalti hui gaDi se

be-ticket KHatm hua manzil-e-hasti ka safar

aaj ki taza KHabar aaj ki taza KHabar aaj ki taza KHabar