aaj phir

vaqt kī zanjīroñ meñ jakḌe

ham tum barsoñ baad mile haiñ

lekin aisā lagtā hai mujh ko

jaise pahlī baar mile haiñ

pichhle pahar kī dhuup vahī thī

shaam kā āñchal Dhalak rahā thā

lambī hotī jaatī thī

san san san san bahtī havā.eñ

diip jalāne aatī thiiñ

raushan tāroñ kī bārāteñ

chāñd ko gher ke laatī thiiñ

aaj bhī din kī dhuup Dhalī hai

vaqt kī paa.el chhanak uThī hai

chhan-chhan āvāzoñ ko sun kar

ūñghte saa.e jaag uThe haiñ

vaqt kī zanjīroñ se kaT kar

TuuT ga.e to juḌ na sakeñge

āvāzoñ kā kaun bharosa

ḳhvāboñ ko ta.abīreñ de do

naġhmoñ kī jhankāreñ sun kar

jaag uThe to hosh meñ aao

ham tum pahlī baar mile haiñ

mere naġhme vaqt kī lai par

tum na suno to kaun sunegā

ham tum barsoñ baad mile haiñ

ham tum kitnī baar mile haiñ

jaise pahlī baar mile haiñ

waqt ki zanjiron mein jakDe

hum tum barson baad mile hain

lekin aisa lagta hai mujh ko

jaise pahli bar mile hain

pichhle pahar ki dhup wahi thi

sham ka aanchal Dhalak raha tha

lambi hoti jati thi

san san san san bahti hawaen

dip jalane aati thin

raushan taron ki baraaten

chand ko gher ke lati thin

aaj bhi din ki dhup Dhali hai

waqt ki pael chhanak uThi hai

chhan-chhan aawazon ko sun kar

unghte sae jag uThe hain

waqt ki zanjiron se kaT kar

TuT gae to juD na sakenge

aawazon ka kaun bharosa

KHwabon ko tabiren de do

naghmon ki jhankaren sun kar

jag uThe to hosh mein aao

hum tum pahli bar mile hain

mere naghme waqt ki lai par

tum na suno to kaun sunega

hum tum barson baad mile hain

hum tum kitni bar mile hain

jaise pahli bar mile hain