aaj tanhai ne thoDa sa dilasa jo diya

aaj tanhā.ī ne thoḌā sā dilāsa jo diyā

kitne rūThe hue sāthī mujhe yaad aa.e haiñ

mausam-e-vasl kī kirnoñ kā vo amboh ravāñ

jis ke hamrāh kisī zohra-jabīñ kī Dolī

aise utrī thī ki jaise koī aayat utre

hijr kī shaam ke bikhre hue kājal kī lakīr

jis ne āñkhoñ ke gulāboñ pe shafaq chhiḌkī thī

jaise ḳhushbū kisī jañgal meñ barahna Thahre

ḳhilqat-e-shahr kī jānib se malāmat kā azaab

jis ne akasr mujhe hone kā yaqīñ baḳhshā thā

dast-e-a.adā.eñ vo khiñchtī huī tohmat kī kamāñ

bārish-e-sañg meñ khultī huī tīroñ kī dukāñ

mehrbāñ dost rifāqat kā bharam rakhte hue

ajnabī log dil-o-jāñ meñ qadam rakhte hue

aaj tanhā.ī ne thoḌā sā dilāsa jo diyā

kitne rūThe hue sāthī mujhe yaad aa.e haiñ

ab na pindār-e-vafā hai na mohabbat kī jazā

dast-e-a.adā kī kashish hai na rafīqoñ kī sazā

taḳhta-e-dār na mansab na adālat kī ḳhalish

ab to ik chīḳh sī hoñToñ meñ dabī rahtī hai

raas aa.egā kise dasht-e-balā mere ba.ad

kaun māñgegā ujaḌne kī duā mere ba.ad

aaj tanhā.ī ne thoḌā sā dilāsa jo diyā

aaj tanhai ne thoDa sa dilasa jo diya

kitne ruThe hue sathi mujhe yaad aae hain

mausam-e-wasl ki kirnon ka wo amboh rawan

jis ke hamrah kisi zohra-jabin ki Doli

aise utri thi ki jaise koi aayat utre

hijr ki sham ke bikhre hue kajal ki lakir

jis ne aankhon ke gulabon pe shafaq chhiDki thi

jaise KHushbu kisi jangal mein barahna Thahre

KHilqat-e-shahr ki jaanib se malamat ka azab

jis ne akasr mujhe hone ka yaqin baKHsha tha

dast-e-adaen wo khinchti hui tohmat ki kaman

barish-e-sang mein khulti hui tiron ki dukan

mehrban dost rifaqat ka bharam rakhte hue

ajnabi log dil-o-jaan mein qadam rakhte hue

aaj tanhai ne thoDa sa dilasa jo diya

kitne ruThe hue sathi mujhe yaad aae hain

ab na pindar-e-wafa hai na mohabbat ki jaza

dast-e-ada ki kashish hai na rafiqon ki saza

taKHta-e-dar na mansab na adalat ki KHalish

ab to ek chiKH si honTon mein dabi rahti hai

ras aaega kise dasht-e-bala mere baad

kaun mangega ujaDne ki dua mere baad

aaj tanhai ne thoDa sa dilasa jo diya