aaKHir kyon

niilā niilā ambar kyoñ hai

dhartī khātī chakkar kyoñ hai

billī chūhe kyoñ hai khātī

kaalī koyal kyoñ hai gaatī

kyoñ paanī meñ rahtī machhlī

kyoñ charḳhe par ghūme taklī

titlī rang-birangī kyoñ hai

ye duniyā be-Dhangī kyoñ hai

hindū muslim sikh īsā.ī

kyoñ rakhte maz.hab kī khaa.ī

kuchh gore kuchh kaale kyoñ haiñ

ūñche paise vaale kyoñ haiñ

chīzeñ itnī mahñgī kyoñ haiñ

jāneñ itnī sastī kyoñ haiñ

jhagḌā karte kyoñ haiñ insāñ

dhan par marte kyoñ haiñ insāñ

ḳhud-ġharzī hī pyārī kyoñ hai

matlab kī hī yaarī kyoñ hai

har dam bam ke ḳhatre kyoñ haiñ

jang ke bādal bikhre kyoñ haiñ

sad.hā bāteñ man meñ uThtīñ

ghere mujh ko socheñ rahtīñ

maiñ huuñ nanhā munnā bālak

auroñ jaisā kab huuñ zīrak

paapā tum ho aalim fāzil har fan meñ ho puure kāmil

paapā mujh ko batlāo nā

saarī bāteñ samjhāo nā

nila nila ambar kyon hai

dharti khati chakkar kyon hai

billi chuhe kyon hai khati

kali koyal kyon hai gati

kyon pani mein rahti machhli

kyon charKHe par ghume takli

titli rang-birangi kyon hai

ye duniya be-Dhangi kyon hai

hindu muslim sikh isai

kyon rakhte mazhab ki khai

kuchh gore kuchh kale kyon hain

unche paise wale kyon hain

chizen itni mahngi kyon hain

jaanen itni sasti kyon hain

jhagDa karte kyon hain insan

dhan par marte kyon hain insan

KHud-gharzi hi pyari kyon hai

matlab ki hi yari kyon hai

har dam bam ke KHatre kyon hain

jang ke baadal bikhre kyon hain

sadha baaten man mein uThtin

ghere mujh ko sochen rahtin

main hun nanha munna baalak

auron jaisa kab hun zirak

papa tum ho aalim fazil har fan mein ho pure kaamil

papa mujh ko batlao na

sari baaten samjhao na