aaKHiri KHat

mirī ardhāñginī

merī shahādat kī ḳhabar sun kar

tum apnī zulf se kahnā ki ab kaalī ghaTā ho jā

gire bijlī pe bijlī dushmanoñ par ik qazā ho jā

suhāgan chūḌiyoñ ko toḌ kar ik bam meñ bhar denā

aur apnī maañg ke sindūr ko bārūd kar lenā

raziyya kī tarah tum sūñtnā talvār dushman par

uḌānā dushmanoñ ke sar ko tum durgāvatī ban kar

tum apnī āñkhoñ se aañsū nahīñ angār barsānā

koī sūrat na ho to

aag meñ jauhar kī jal jaanā

mujhe vishvās hai tum par ki jīvan-sanginī ho tum

tum apnī aan ko jaane na dogī padmanī ho tum

meri ardhangini

meri shahadat ki KHabar sun kar

tum apni zulf se kahna ki ab kali ghaTa ho ja

gire bijli pe bijli dushmanon par ek qaza ho ja

suhagan chuDiyon ko toD kar ek bam mein bhar dena

aur apni mang ke sindur ko barud kar lena

raziyya ki tarah tum suntna talwar dushman par

uDana dushmanon ke sar ko tum durgawati ban kar

tum apni aankhon se aansu nahin angar barsana

koi surat na ho to

aag mein jauhar ki jal jaana

mujhe wishwas hai tum par ki jiwan-sangini ho tum

tum apni aan ko jaane na dogi padmani ho tum