aaKHiri pahchan

agar sañg-dil hai zamāna to kyā hai

agar aisī das shādiyāñ bhī mire jism ko qaid kar leñ

to kyā hai

mirā zehn jab bhī tumhāre fasānoñ meñ khoyā rahegā

ki dil kī ravish par bhalā kis kā pahra rahā hai

ab is baar jab do sulagte badan āḳhirī baar mil kar judā ho rahe haiñ ye va.ada karo

un kī rūheñ yūñhī roz miltī raheñgī

tumhāre laboñ par mirā naam ab bhī machaltā rahegā

jo tumhāre liye TikTikī bāñdh kar

dhyān kī suunī rāhoñ pe bechain baiThī rahī haiñ

magar haañ zarā dekhnā

ab vo chūñki hamāre tumhāre ba-zāhir ravābit

to afsos sab munqata.a ho chuke

is liye dostoñ meñ mire zikr se ab gurezāñ se rahnā

mire jitne ḳhat haiñ ḳhudārā unheñ aag meñ Daal denā

koī mere baare meñ pūchhe

to hairat se kahnā

ta.ajjub hai ab tak kisī aisī laḌkī se milnā to kyā maiñ to ye naam hī

aaj pahle-pahal aap se sun rahā huuñ

agar sang-dil hai zamana to kya hai

agar aisi das shadiyan bhi mere jism ko qaid kar len

to kya hai

mera zehn jab bhi tumhaare fasanon mein khoya rahega

ki dil ki rawish par bhala kis ka pahra raha hai

ab is bar jab do sulagte badan aaKHiri bar mil kar juda ho rahe hain ye wada karo

un ki ruhen yunhi roz milti rahengi

tumhaare labon par mera nam ab bhi machalta rahega

jo tumhaare liye TikTiki bandh kar

dhyan ki suni rahon pe bechain baiThi rahi hain

magar han zara dekhna

ab wo chunki hamare tumhaare ba-zahir rawabit

to afsos sab munqata ho chuke

is liye doston mein mere zikr se ab gurezan se rahna

mere jitne KHat hain KHudara unhen aag mein Dal dena

koi mere bare mein puchhe

to hairat se kahna

tajjub hai ab tak kisi aisi laDki se milna to kya main to ye nam hi

aaj pahle-pahal aap se sun raha hun