aam hai aur aam hai

chhuTTīyāñ haiñ maiñ huuñ mīThā aam hai

aur ab merā bhalā kyā kaam hai

mango khānā aur piinā milkshake

shaġhl ab apnā ye sub.h-o-shām hai

garmiyāñ haiñ garmiyāñ haiñ garmiyāñ

aam hai aur aam hai aur aam hai

nāshta khānā dinner yā lunch ho

aam ke mausam meñ nazr-e-ām hai

maiñ nahīñ chhoḌūñgā ab lañgḌe kī Taañg

chuus lūñgā chausā aisā aam hai

aam kahtā hai jise saarā jahāñ

ġhāliban jannat ke phal kā naam hai

is kī quvvat kā bhalā kyā pūchhnā

fauq sad.hā pista-o-bādām hai

shauq jis ko aam khāne kā nahīñ

zauq meñ vo ham-sar-e-in.ām hai

sab phaloñ kā jab taqābul ho 'asar'

aam hī bas qābil-e-in.ām hai

chhuTTiyan hain main hun miTha aam hai

aur ab mera bhala kya kaam hai

mango khana aur pina milkshake

shaghl ab apna ye subh-o-sham hai

garmiyan hain garmiyan hain garmiyan

aam hai aur aam hai aur aam hai

nashta khana dinner ya lunch ho

aam ke mausam mein nazr-e-am hai

main nahin chhoDunga ab langDe ki Tang

chus lunga chausa aisa aam hai

aam kahta hai jise sara jahan

ghaaliban jannat ke phal ka nam hai

is ki quwwat ka bhala kya puchhna

fauq sadha pista-o-baadam hai

shauq jis ko aam khane ka nahin

zauq mein wo ham-sar-e-inam hai

sab phalon ka jab taqabul ho 'asar'

aam hi bas qabil-e-inam hai