aankh hi dard pahchanti hai

aañkh hī dard pahchāntī hai

maiñ is route par

pahelī gaaḌī kā mehmāñ thā

be-tarah ghūmtī geñd par ab nafas jitne anfās kā aur mehmān hai

un kī gintī mirī dāstāñ meñ nahīñ

ḳhaak kī naaf se ḳhaak ke batn tak

chand sā.āt kī raushnī

poshisheñ battiyāñ taaza model club

tāza-ruḳh gaaḌī aur baan aur gul-chehra interpreter

yahī chār-ā.ina chehra

ki chehre meñ tasvīr-e-ayyām se

raunaqoñ meñ base is tilismāt meñ

din jo vīrāñ kaTe

jo shīsheñ ghanī raat meñ kho ga.iiñ

so ga.iiñ

āsmānoñ pe ḳhālī kā chāñd

nāk-naqsha bikharne pe qādir huā

jis kī tahvīl meñ do muñde dā.ere aañkh ke haiñ

faqat aañkh ke haath par naqsh haiñ aañkh ḳhālī nahīñ

aankh hi dard pahchanti hai

main is route par

paheli gaDi ka mehman tha

be-tarah ghumti gend par ab nafas jitne anfas ka aur mehman hai

un ki ginti meri dastan mein nahin

KHak ki naf se KHak ke batn tak

chand saat ki raushni

poshishen battiyan taza model club

taza-ruKH gaDi aur ban aur gul-chehra interpreter

yahi chaar-aina chehra

ki chehre mein taswir-e-ayyam se

raunaqon mein base is tilismat mein

din jo viran kaTe

jo shishen ghani raat mein kho gain

so gain

aasmanon pe KHali ka chand

nak-naqsha bikharne pe qadir hua

jis ki tahwil mein do munde daere aankh ke hain

faqat aankh ke hath par naqsh hain aankh KHali nahin