آنکھیں

سنو جانا

مجھے اک بات کہنی تھی

یہ جو آنکھیں تمہاری ہیں

بہت ہی خوبصورت ہیں

نہ جانے کیوں مگر مجھ کو

یہی محسوس ہوتا ہے

کی ان خوابیدہ آنکھوں میں

ہزاروں خواہشیں ایسی ہیں

جو اب تک کسی

انجام تک پہونچی نہیں ہیں

اور سارے خواب اک محور پہ گردش کر رہے ہیں

نہ جانے کون سا وہ وقت ہوگا جب

ٹھہر جائے گا یہ لمحہ

اور یہ آنکھیں کھلی رہ جائیں گی

وہ سارے خواب ساری خواہشیں بس دیکھتے ہی دیکھتے

دم توڑ دیں گی ان حسیں خوش فہم آنکھوں میں

مگر کیا خوب ہو تم بھی

میں جب بھی دیکھتا ہوں غور سے ان کتھئی آنکھوں میں

یوں محسوس ہوتا ہے

کہ جیسے گھورتی رہتی ہوں مجھ کو

اور مجھ سے کہہ رہی ہوں کہ

میری آنکھیں یہ تم رکھ لو

تمہارے خواب میں رکھ لوں