aankhen

suno jaanā

mujhe ik baat kahnī thī

ye jo āñkheñ tumhārī haiñ

bahut hī ḳhūb-sūrat haiñ

na jaane kyoñ magar mujh ko

yahī mahsūs hotā hai

kī in ḳhvābīda āñkhoñ meñ

hazāroñ ḳhvāhisheñ aisī haiñ

jo ab tak kisī

anjām tak pohñchī nahīñ haiñ

aur saare ḳhvāb ik mehvar pe gardish kar rahe haiñ

na jaane kaun sā vo vaqt hogā jab

Thahar jā.egā ye lamha

aur ye āñkheñ khulī rah jā.eñgī

vo saare ḳhvāb saarī ḳhvāhisheñ bas dekhte hī dekhte

dam toḌ deñgī in hasīñ ḳhush-fahm āñkhoñ meñ

magar kyā ḳhuub ho tum bhī

maiñ jab bhī dekhtā huuñ ġhaur se in kattha.ī āñkhoñ meñ

yuuñ mahsūs hotā hai

ki jaise ghūrtī rahtī hoñ mujh ko

aur mujh se kah rahī hoñ ki

merī āñkheñ ye tum rakh lo

tumhāre ḳhvāb maiñ rakh luuñ

suno jaana

mujhe ek baat kahni thi

ye jo aankhen tumhaari hain

bahut hi KHub-surat hain

na jaane kyon magar mujh ko

yahi mahsus hota hai

ki in KHwabida aankhon mein

hazaron KHwahishen aisi hain

jo ab tak kisi

anjam tak pohnchi nahin hain

aur sare KHwab ek mehwar pe gardish kar rahe hain

na jaane kaun sa wo waqt hoga jab

Thahar jaega ye lamha

aur ye aankhen khuli rah jaengi

wo sare KHwab sari KHwahishen bas dekhte hi dekhte

dam toD dengi in hasin KHush-fahm aankhon mein

magar kya KHub ho tum bhi

main jab bhi dekhta hun ghaur se in katthai aankhon mein

yun mahsus hota hai

ki jaise ghurti rahti hon mujh ko

aur mujh se kah rahi hon ki

meri aankhen ye tum rakh lo

tumhaare KHwab main rakh lun