aankhen uski KHwab

āñkheñ us kī ḳhvāb

dil kahtā hai dekhe jā.ūñ

raushan vo mahtāb

chhoḌo ye āñchal

aisā na ho phail hī jaa.e

āñkhoñ meñ kājal

ye furqat ye duurī

kabhī to milne aa sakte ho

aisī kyā majbūrī

itnā rakhnā yaad

koī mohabbat de nahīñ saktā

tum ko mere baad

tanhā.ī kī shaam

chāhūñ bhī to kar nahīñ saktī

sājan tere naam

sardī kā mausam

is par dil meñ aag lagā.e

furqat kā aalam

paḌ gayā har koī maañd

jab bāñhoñ meñ le kar mujh ko

jhiil meñ utrā chāñd

ye lo merā haath

aur apnī chāhat se likh do

is par dil kī baat

mahke ye gajre

kitne achchhe lagte haiñ na

chāhat ke tohfe

is bastī ke log

apne saath lagā baiThe haiñ

jaane kis kā rog

aankhen us ki KHwab

dil kahta hai dekhe jaun

raushan wo mahtab

chhoDo ye aanchal

aisa na ho phail hi jae

aankhon mein kajal

ye furqat ye duri

kabhi to milne aa sakte ho

aisi kya majburi

itna rakhna yaad

koi mohabbat de nahin sakta

tum ko mere baad

tanhai ki sham

chahun bhi to kar nahin sakti

sajan tere nam

sardi ka mausam

is par dil mein aag lagae

furqat ka aalam

paD gaya har koi mand

jab banhon mein le kar mujh ko

jhil mein utra chand

ye lo mera hath

aur apni chahat se likh do

is par dil ki baat

mahke ye gajre

kitne achchhe lagte hain na

chahat ke tohfe

is basti ke log

apne sath laga baiThe hain

jaane kis ka rog